مدونة عبدالله الاسمري

ولدي فهد ….على طول سهر ولعب عجزت فيه علشان ينام بدري انتظم فتره وفي الاخير رجع للسهر….الصراحة محتار فيه وانا انتظر تجي الدراسة وينتظم نومه ونرتاح …….المشكله الثانيه اني الى الحين ماسجلته لاني محتار بين المدارس الحكومية والاهلية ….والظاهر طافنا التسجيل بالحكومية ….اخاف عليه كثير وهو خجول جداً وودي يدرس في مكان ارتاح له …الصراحة تعبت..وش اسوي

اتحدى ان يكون هناك برنامج مباشر على احدى القنوات الفضائية العربية والتى تهتم بالغناء والرقص وكل ماهو مفلس …ولايكون هناك اتصال من السعودية فلو كان المقدم بنت دق التماسيح ((الرجال)) يتميلحون ويتغزلون بالمذيعة وان كان المقدم ولد دقت السحالي ((البنات)) (( التماسيح والسحالي كلمة انتشرت بين الشباب والفتيات كل يصف بها الاخر)) وقاموا قصدي البنات ايضاً بالتغنج والتدلع وتبادل الضحكات مع المقدم وكانه واحد من الاهل ….ماادري ليش كذا يعمل شبابنا الى  هذه الدرجة وصلنا …ماادري الجماعه فاقدين حنان والا وش …حتى رسائل sms اغلب من يرسل سعوديين….اقول ياهني هالقنوات بشبابنا الفاضي واللي وصل مرحلة متقدمة من الضياع …قد يقول لي قائل الشباب هذا من الكبت وانا اقول الا العقول الظاهر اخذت اجازة….كذلك لاانسى المسلسلات التركية ايضاَ فقد قرأت في احد المنتديات وشاهدت صور شباب حاطين صور ((لميس)) على التي شيرت ويتمشون في احد اسواق الرياض المعروفة بدن حياء او خجل …وانا اقول الله يستر من اللي جاي

هذه صورة للمولود الجديد والذي اطلقت عليه اسم ((ياسر))

عجيبه وغريبه هالدنيا ساعة بتفرح وساعة بتحزن…….تخيل وانت تعيش لحظة فرح ياتيك الخبر بوفاة انسان غالي على قلبك

فينقلب فرحك حزناً وابتسامتك الى كدر وضيقة ….هذه اللحظة عشتها خلال اليومين السابقين ….فلحظت قدوم ابني الجديد للدنيا

غادرها احد الزملاء ….فكنت مابين مستقبل ومودع ….وقد كان حزني اكبر فقد فقدت من هو بمثابة اخ لي اثر حادث مروري هو وافراد عائلته ….

…اللهم ارحم اخي محمد واجعل قبره روضة من رياض الجنة….

بحمد الله رزقت اليوم  بمولود ذكر وسينضم لشقيقيه فهد ومحمد…..

وسيتم انزال صور المولود لاحقاً…..لازلنا في طور اختيار الاسم المناسب….

رزقنا الله واياكم الذرية الصالحة ….فاللهم لك الحمد